«Жайлауында жүрген жігіт бағып қой, нағыз қазақ осы міне танып қой» деп қазақтың Қадыры жырлағандай жайлаудағы шопандарды да біздің жобамыз назарларынан тыс қалдырмауда.  Кітапханашылар Амангелді ауылының жусанынан жұпар аңқыған Жигули жайлауында өз оқырмандарымен жүздесті. Қойлы ауылдың  шопанымен қыр басында кездесіп, жайлаудың жай-күйіне қаныққан кітапханашылар, келбетін күн қаққан еңбек адамына өз жайлауларынан сыбаға үлестірді. Ауылшаруашылығына арналған мемлекеттік бағдарламаларды насихаттап, кітаптан тарту, газеттен таралғы ұсынып қайтты.